Coronafeirws

Yn sgil yr argyfwng iechyd cyhoeddus, mae’r mwyafrif o gyrsiau yn cael eu cynnal mewn dosbarthiadau rhithiol ar hyn o bryd.  Mae hynny’n golygu dysgu gyda dysgwyr a thiwtor, gan ddefnyddio platfformau digidol fel Zoom, Teams neu Skype ar gyfrifiadur.

Mae adnoddau digidol hefyd ar gael at eich defnydd chi.

Mae cyrsiau newydd yn dechrau ar adegau gwahanol yn ystod y flwyddyn. Cliciwch yma am y chwilotwr cwrs.

Gallwch ddefnyddio dros 1,000 o adnoddau digidol yn rhad ac am ddim. Mae’r adnoddau wedi’u teilwra ar gyfer gwahanol lefelau dysgu. Mae hefyd modd dilyn cyrsiau 'blasu' ar-lein a gwylio’r gwersi fideo hyn.

Os oes gennych unrhyw gwestiynau, ebostiwch swyddfa@dysgucymraeg.cymru .

Mae 'Siarad', y cynllun sy'n paru siaradwyr Cymraeg gyda dysgwyr lefel Canolradd +, ar gael. Mae'r parau'n defnyddio Skype, Zoom, y ffôn neu ddulliau digidol eraill i gadw mewn cysylltiad.

Wrth i ganllawiau newid, mae rhai parau wedi dechrau cwrdd tu allan hefyd. 

Mae llawer o syniadau ar y dudalen yma o ran sut gallwch chi fwynhau defnyddio ac ymarfer eich Cymraeg y tu allan i’r dosbarth.