Dull Dysgu

Ar hyn o bryd, mae’r mwyafrif o'n cyrsiau yn cael eu cynnal mewn dosbarthiadau rhithiol - mae hyn yn golygu dysgu gyda dysgwyr a thiwtor, gan ddefnyddio platfformau digidol fel Zoom, Teams neu Skype ar gyfrifiadur.

Mae cyrsiau cyfunol newydd wedi’u cyflwyno yn ddiweddar.  Mae'r cyrsiau hyn yn cyfuno dysgu dan arweiniad tiwtor mewn dosbarth neu ddosbarth rhithiol gyda hunan-astudio ar-lein. Mae cyrsiau cyfunol ar gael ar lefel Mynediad a byddwn yn cyflwyno cyrsiau ar lefelau eraill hefyd.

Mae cyrsiau fel arfer yn cael eu cynnal wyneb-yn-wyneb mewn dosbarth.  Oherwydd y sefyllfa iechyd cyhoeddus, nid yw hynny’n bosib ar hyn o bryd.  Mae’n bosibl bydd rhai cyrsiau yn dychwelyd i’r dosbarth yn ystod y flwyddyn academaidd, os yw’r sefyllfa yn caniatáu.

Mae cyrsiau Dysgu Cymraeg preswyl fel arfer ar gael gydol y flwyddyn yng nghanolfan Nant Gwrtheyrn ym Mhen Llŷn. Ar hyn o bryd, cyrsiau mewn dosbarthiadau rhithiol sy ar gael, ond mae cynlluniau ar y gweill i gyflwyno cyrsiau preswyl.

Mae llawer o'n dysgwyr yn hoffi dysgu ar eu liwt eu hun, gan ddefnyddio adnoddau a chyrsiau hunan-astudio ar-lein. Beth am roi cynnig ar gwrs blasu hunan-astudio?