Hysbysiad Preifatrwydd Dysgwyr

Beth yw Hysbysiad Preifatrwydd?

Mae’r hysbysiad preifatrwydd yma yn esbonio sut mae’r Ganolfan Dysgu Cymraeg Genedlaethol (“y Ganolfan”) yn defnyddio eich gwybodaeth bersonol.

Pa wybodaeth fydd y Ganolfan yn ei chasglu?

• Gwybodaeth bersonol: eich enw, rhywedd, ethnigrwydd, cyfeiriad, dyddiad geni
• Gwybodaeth iechyd: unrhyw broblemau yn ymwneud ag iechyd neu anawsterau dysgu sydd gennych
• Gwybodaeth cwrs: os ydych wedi cwblhau Cwrs Dysgu Cymraeg o’r blaen a’ch perfformiad ar y cwrs

Sut rydym yn defnyddio'ch data personol 

Bydd y Ganolfan yn prosesu eich gwybodaeth at ddibenion:

• Eich ymrestru ar gwrs a dyrannu darparwr i chi
• Darparu cefnogaeth yn ystod eich amser ar y Cwrs ac wedi hynny (lle bo angen)
• Rhedeg y cwrs o ddydd i ddydd
• Monitro cwblhau a chynnydd ar y cwrs
• Adrodd ar bresenoldeb a sut mae’r cwrs yn mynd
• Rhannu gwybodaeth am gyrsiau eraill gyda chi

O ble bydd y Ganolfan yn casglu gwybodaeth?

• Gwybodaeth a roddwch i’r Ganolfan - bydd y Ganolfan yn casglu gwybodaeth yn uniongyrchol gennych pan fyddwch yn cysylltu â’r Ganolfan neu pan fyddwch yn ymrestru trwy’r Ffurflen Gofrestru ar un o’r cyrsiau.
• Gwybodaeth o’r adnoddau yr ydych yn eu cwblhau ar-lein
• Gwybodaeth mae’r Ganolfan yn derbyn gennych gan y darparwr.
• Gwybodaeth mae’r Ganolfan yn derbyn gennych o ffynonellau eraill megis tiwtor eich cwrs.

Y sawl fydd yn derbyn eich gwybodaeth

Cyllidir y Ganolfan a’r darparwyr cwrs gan Lywodraeth Cymru. Er mwyn eich dyrannu i ddarparwr penodol, sicrhau bod y cyrsiau yn cael eu rhedeg yn effeithiol, darparu adborth am faint sy’n cymryd y cyrsiau ac i adrodd am y modd y defnyddir y cyllid, gallwn rannu eich data personol gyda’r darparwr.

Gall y Ganolfan rannu eich gwybodaeth bersonol: 

• Gyda’r Darparwyr;
• Gyda Llywodraeth Cymru;
• Gyda CBAC at ddibenion cofrestru ar Arholiadau Dysgu Cymraeg i Oedolion
• Gyda chyflogwyr at ddibenion y Cynllun Cymraeg Gwaith
• Gydag awdurdodau rheolaethol, llysoedd ac asiantaethau’r llywodraeth i gydymffurfio â gorchmynion cyfreithiol, gofynion cyfreithiol neu reolaethol a cheisiadau’r llywodraeth; a/neu
• Gyda’n hymgynghorwyr a gwerthuswyr cyfreithiol a phroffesiynol eraill.

Sut ydym yn cadw’ch gwybodaeth yn ddiogel?

Rydym yn storio eich data yn ein systemau TG diogel. Dim ond unigolion sydd angen mynediad at y dibenion a amlinellir uchod sy’n gallu cael mynediad i’ch data personol.

Oes modd cwiro unrhyw wybodaeth?

Oes, os credwch fod unrhyw wybodaeth sydd gennym amdanoch yn anghywir, rhowch wybod i ni a byddwn yn ei chywiro.

Oes modd cael copi o'ch gwybodaeth bersonol?

Oes, gallwch wneud ‘cais am fynediad deiliad data’ sy’n eich galluogi i dderbyn copi o’r data personol sydd gennym amdanoch.

Am ba mor hir y byddwn yn cadw eich gwybodaeth?

Bydd y Ganolfan yn cadw eich gwybodaeth bersonol yn unig am y cyfnod o amser y byddwch yn fyfyriwr ar y cwrs ac am 6 blynedd wedi cwblhau’r cwrs hwnnw.

Sut allwch chi gysylltu â ni?

Os oes gennych unrhyw gwestiynau am sut rydym yn defnyddio'ch gwybodaeth, cysylltwch â ni gan ddefnyddio'r manylion isod:

Y Ganolfan Dysgu Cymraeg Genedlaethol

03003234324

swyddfa@dysgucymraeg.cymru