Dyma gyfle i ymuno gydag un o gyrsiau ‘Defnyddio’ Y Ganolfan Dysgu Cymraeg Genedlaethol. Mae'n gwrs preswyl pum niwrnod sy'n cael ei gynnal yn Nant Gwrtheyrn.
- Cwrs penodol i Arweinwyr mewn Addysg.
- Cynhelir sgwrs dros y ffôn er mwyn sicrhau cofrestriad ar y lefel gywir.
- Bydd y cwrs yn cael ei gynnal rhwng y 17eg a’r 21ain o Ebrill, 2023.
- Bydd y cwrs yn canolbwyntio ar godi hyder er mwyn cynyddu defnydd o'r Gymraeg yn y gweithle a thu hwnt.
- Bydd noson o adloniant yn cael ei threfnu ar y nos Fawrth a byddwch yn ymweld ag atyniad lleol ar y prynhawn Mercher.
- Bydd llety mewn ystafell sengl en-suite, a lluniaeth wedi eu cynnwys.
- Bydd cost ychwanegol o £55 am wely a brecwast os ydych eisiau aros yn y Nant ar y nos Sul cyn y cwrs.
- Ni fyddwn yn talu am gostau teithio.
