Mae'r Cynllun Iechyd a Gofal yn cynnig cyrsiau a chymorth i bobl sy'n gweithio yn y maes yng Nghymru sydd eisiau defnyddio mwy o Gymraeg yn y gwaith. O gyrsiau Blasu i gyrsiau Codi Hyder a chyrsiau preswyl, mae rhywbeth ar gael ar gyfer pob lefel.
Edrychwch isod i weld beth sydd ar gael. Os oes gennych gwestiynau neu os hoffech gael rhagor o wybodaeth, e-bostiwch iechydagofal@dysgucymraeg.cymru.
Mae'r cyrsiau Blasu yn gyrsiau hunan-astudio byr sy'n eich helpu i ddechrau defnyddio Cymraeg syml yn y gwaith. Maent wedi'u creu ar gyfer pobl sy'n gweithio ym maes iechyd a gofal cymdeithasol yng Nghymru ac sy'n newydd i'r Gymraeg. Mae cefnogaeth gan diwtor ar gael i'ch helpu gyda'ch dysgu.
Mae pob cwrs ar lefel Cyn-A1 (Cyn-Fynediad), CEFR.
Dewiswch y botwm isod i weld y cyrsiau sydd ar gael.
Mae'r cynllun Codi Hyder yn eich helpu i ddefnyddio mwy o Gymraeg yn y gweithle. Mae'n cynnig cefnogaeth un-i-un wedi ei deilwra gan diwtor i bobl sydd wedi defnyddio'r Gymraeg o'r blaen ac sydd eisiau dechrau ei defnyddio eto gyda mwy o hyder. Mae'r gwasanaeth ar gael i bob gweithiwr iechyd a gofal cymdeithasol yng Nghymru.
Dewiswch y botwm isod i gael rhagor o wybodaeth.
Mae'r Cynllun Siarad Iechyd a Gofal yn paru gweithwyr iechyd sy'n dysgu Cymraeg gyda chydweithwyr sy'n siarad Cymraeg yn hyderus. Nod y cynllun yw rhoi cyfle i ymarfer Cymraeg mewn amgylchedd anffurfiol, cyfeillgar a chefnogol.
Dewiswch y botwm isod am fwy o wybodaeth.
Mae cyrsiau preswyl ar gael i bobl sy'n gweithio ym maes iechyd a gofal cymdeithasol yng Nghymru. Cynhelir y cyrsiau yn Nant Gwrtheyrn, Canolfan Iaith a Threftadaeth Genedlaethol y Gymraeg, ar Benrhyn Llŷn yng Ngogledd Cymru.
Mae'r cyrsiau pum diwrnod hyn ar gael am ddim i weithwyr iechyd a gofal cymdeithasol yng Nghymru. Maent yn rhoi cyfle i chi wella'ch Cymraeg, magu hyder a defnyddio'r Gymraeg gyda dysgwyr eraill mewn amgylchedd cyfeillgar a chefnogol.
Dewiswch y botwm isod i ymweld â gwefan Nant Gwrtheyrn a chael rhagor o wybodaeth.
Adnoddau Dysgu Cymraeg i weithwyr Gofal Cymdeithasol yng Nghymru.
Dewiswch y botwm isod am fwy o wybodaeth.
