Cyrsiau Dysgu Cymraeg Dwys (Cynllun Sabothol)

Mae'r rhaglenni hyn yn cynnig cyfle i ddysgu Cymraeg mewn cyfnod cymharol fyr drwy ddysgu dwys dros gyfnod penodol. Gall athrawon cynradd wneud cais am gwrs Cynllun Sabothol y Gymraeg sy'n para dau dymor, ac sy'n rhedeg o fis Medi hyd at y Pasg. Yn ogystal, mae cyrsiau dwys byrrach yn nhymor yr haf ar gael i athrawon cynradd, athrawon uwchradd a chynorthwywyr dysgu.

Caiff y rhan fwyaf o gostau cyflenwi eu hariannu gan Lywodraeth Cymru, gan helpu ysgolion a lleoliadau i gefnogi cyfranogiad staff. Yn ogystal, ad-delir costau teithio ar gyfer diwrnodau dysgu wyneb yn wyneb.

Gallwch ddarllen rhagor am y cyrsiau sydd ar gael yn ystod 2026/27 isod, ynghyd â manylion ynghylch sut i wneud cais.

Darperir y rhaglenni gan dri darparwr sy'n gwasanaethu tair ardal ddaearyddol:

Gogledd Cymru (Ynys Môn, Gwynedd, Conwy, Sir Ddinbych, Sir y Fflint a Wrecsam)

Canolbarth a De-orllewin Cymru (Powys, Ceredigion, Sir Gaerfyrddin, Sir Benfro, Abertawe a Chastell-nedd Port Talbot)

De Cymru (Pen-y-bont ar Ogwr, Bro Morgannwg, Caerdydd, Merthyr Tudful, Rhondda Cynon Taf, Caerffili, Torfaen, Blaenau Gwent, Casnewydd a Sir Fynwy)

Cwrs Dwys Dau Dymor

Mae'r Cwrs Dwys Dau Dymor yn gyfle i Ymarferwyr Addysg ddatblygu eu sgiliau Cymraeg yn ystod Tymor yr Hydref a Thymor y Gwanwyn (Tymor 1 a 2).

Cwrs i Bwy: Athrawon ysgolion cynradd cyfrwng Saesneg sydd â rhywfaint o sgiliau sylfaenol yn y Gymraeg (Athrawon y Cyfnod Sylfaen a/neu CA2).

Lefel: Sylfaen a Chanolradd

Tymor 1 (Tymor yr Hydref) – Lefel Sylfaen (A2)

Tymor 2 (Tymor y Gwanwyn) – Lefel Canolradd (B1)

Hyd: 2 dymor ysgol, llawn amser

Lleoliad: 3 diwrnod rhithiol a 2 ddiwrnod mewn ‘Hwb’ lleol

Bwriad y cwrs:

Dysgu’r iaith a dysgu sut i addysgu’r Gymraeg yn drawsgwricwlaidd yn effeithiol yn yr ysgol.

Dysgu am fethodolegau dysgu iaith er mwyn arfogi’r athrawon â’r sgiliau angenrheidiol i godi safonau yn yr ysgol.

Cyrsiau Tymor yr Haf 2027

Gogledd Cymru: Cyrsiau Tymor yr Haf 2027

Dyma'r cyrsiau sydd ar gael yng Ngogledd Cymru (Sir Ynys Môn, Gwynedd, Conwy, Sir Ddinbych, Sir y Fflint, a Wrecsam):

Cwrs	Dyddiadau	Nifer o ddiwrnodau	Lleoliad
Athrawon Cynradd: Lefel Sylfaen 11 Wythnos (A2)	19 Ebrill 2027 - 9 Gorffennaf 2027	55	Llanelwy ac Ar-lein
Cynorthwy-wyr Dysgu: Lefel Mynediad (A1)	7 Mehefin 2027 - 9 Gorffennaf 2027	25	Llanelwy

Canolbarth a'r De-Orllewin: Cyrsiau Tymor yr Haf 2027

Dyma'r cyrsiau sydd ar gael yn y Canolbarth a'r De-Orllewin (Sir Powys, Sir Ceredigion, Sir Gâr, Sir Benfro, Dinas a Sir Abertawe, a Chastell-nedd Port Talbot)

Cwrs	Dyddiadau	Nifer o ddiwrnodau	Lleoliad
Cymraeg Proffesiynol: Lefel Gloywi (C1/C2)	5 Ebrill 2027 - 18 Mai 2027	15 (2 ddiwrnod yr wythnos)	Caerfyrddin
Cynorthwy-wyr Dysgu Sector Cynradd: Lefel Mynediad (A1)	7 Mehefin 2027 - 9 Gorffennaf 2027	25	Abertawe

De Cymru: Cyrsiau Tymor yr Haf 2027

Dyma'r cyrsiau sydd ar gael yn De Cymru (Pen y bont ar Ogwr, Bro Morgannwg, Caerdydd, Merthyr Tudful, Rhondda Cynon Taf, Caerffili, Torfaen, Blaenau Gwent, Casnewydd, Mynwy):

Cwrs	Dyddiadau	Nifer o ddiwrnodau	Lleoliad
Athrawon Cynradd: Lefel Sylfaen 11 Wythnos (A2)	12 Ebrill 2027 - 2 Gorffennaf 2027	55	Caerdydd
Cynorthwy-wyr Dysgu Sector Cynradd fel Model Iaith: Lefel Gloywi (C1/C2)	14 Ebrill 2027 - 13 Mai 2027	10 (2 ddiwrnod yr wythnos)	Caerdydd
Athrawon Addysg Gorfforol: Lefel Mynediad (A1)	7 Mehefin 2027 - 25 Mehefin 2027	15	Caerdydd

Gwneud Cais am Gwrs Dwys (Cynllun Sabothol)

Bydd ceisiadau ar gyfer y cwrs dau dymor 2027 yn agor ym mis Ionawr 2027. Yn y cyfamser, mae gennyn ni amrywiaeth o gyrsiau ar gael i'r Gweithlu Addysg yma.

Oes gennych ddiddordeb mewn cwrs tymor yr haf 2027? Cwblhewch y ffurflen mynegi diddordeb yma. Bydd angen cyflwyno cais ffurfiol yn nes ymlaen.

Os oes gennych unrhyw gwestiynau, mae pob croeso i chi gysylltu trwy e-bostio cymorth@dysgucymraeg.cymru