Cwrs Sylfaen Rhan 1

Mae’r cwrs yma yn addas ar gyfer unigolion sydd â phrofiad o ddysgu Cymraeg. Gall hyn olygu eich bod wedi astudio ar lefel Mynediad 1 a 2 Nant Gwrtheyrn neu Dysgu Cymraeg. Mae’n addas hefyd ar gyfer unigolion sy’n astudio ar lefel Sylfaen 1 Dysgu Cymraeg ac sydd eisiau adolygu. Mae’n addas hefyd ar gyfer dysgwyr sydd heb ddilyn cwrs yn ddiweddar, ac sydd eisiau ail afael yn eu Cymraeg gyda hyder. Gall hyn olygu eu bod wedi astudio Cymraeg fel ail-iaith yn yr ysgol, neu heb ddefnyddio’u Cymraeg ers amser. Mae dysgwyr sy’n dod ar y cwrs yma yn gallu cyflwyno eu hunain ac ymateb i gwestiynau syml yn Gymraeg.
Erbyn diwedd y cwrs byddwch yn gallu defnyddio brawddegau estynedig a sgwrsio am fwy o amser ac ar nifer o bynciau amrywiol.
Mae lleoliad arbennig Nant Gwrtheyrn yn gyfle arbennig i chi brofi addysg drochi mewn awyrgylch hollol Gymraeg. Byddwn yn eich hannog i ddefnyddio’r cyfleoedd sydd gyda ni yma ar y safle i ymestyn eich sgiliau drwy ddefnyddio’r iaith, i flasu diwylliant arbennig y Gymraeg ac ehangu eich gorwelion fel unigolion dwyieithog neu amlieithog.

Telerau
Lluniaeth Llawn
Y gost am gwrs lluniaeth llawn yw £615. Bydd hyn yn cynnwys y cwrs, y llety a’r bwyd o ddydd Llun i ddydd Gwener. Bydd noson o adloniant ar y nos Fawrth a thrip ar y prynhawn dydd Mercher.
Wrth i chi gofrestru ar gyfer y cwrs bydd dewis i archebu llety ar gyfer y nos Sul cyn y cwrs am gost ychwanegol o £70 (gwely a brecwast). Rydym yn eich annog i archebu’r nos Sul wrth gofrestru ar gyfer y cwrs os yw hynny’n bosib.

Dyddiol
Os nad ydych chi angen llety ac yn bwriadu teithio yn ddyddiol dyma’r opsiynau sydd ar gael:
Trigolion Gwynedd a Môn: Os ydych yn byw* yn lleol gallwch ddod ar gwrs a theithio i'r Nant bob dydd am bris gostyngedig. Y pris yw £185 am gwrs 5 niwrnod.
*Mae'r cynnig yma ar gyfer unigolion sydd â'u prif gartref yng Ngwynedd neu ym Môn.
Os nad yw eich prif gartref yng Ngwynedd neu ym Môn y pris i deithio yn ddyddiol yw £356 am gwrs 5 niwrnod.
Bydd eich cinio wedi ei gynnwys yn y pris dyddiol ac mae croeso i chi ymuno am swper ar y nos Fawrth pan mae adloniant wedi ei drefnu dim ond i chi roi gwybod i ni ymlaen llaw. Cofiwch nodi unrhyw anghenion dietegol.

Bydd y cwrs yn gorffen am 13:00 ar y dydd Gwener er mwyn rhoi digon o amser i bawb deithio adref yn y prynhawn.