Mae'r cynllun yn dod â dau weithiwr iechyd a gofal ynghyd:
- dysgwr Cymraeg, lefel Sylfaen neu uwch, sy'n awyddus i ddefnyddio mwy o'r Gymraeg yn y gwaith, yn eu lleoliad clinigol
- siaradwr Cymraeg hyderus sy'n barod i gefnogi'r dysgwr drwy sgwrsio'n rheolaidd.
Nid oes angen profiad fel tiwtor na hyfforddwr i gefnogi. Rôl y siaradwr hyderus yw cynnig cyfleoedd naturiol i ddefnyddio'r Gymraeg drwy sgyrsiau anffurfiol.
Mae ymuno'n syml:
Cofrestrwch ar-lein.
Byddwn yn eich paru â phartner addas.
Cewch gyfarfod yn rhithiol bob 2–4 wythnos.
Treuliwch tua awr y mis yn sgwrsio yn Gymraeg.
Mae'r trefniant yn hyblyg ac wedi'i gynllunio i ffitio o amgylch ymrwymiadau gwaith.
Gweithwyr gofal iechyd proffesiynol sy'n gweithio'n uniongyrchol gyda chleifion.
Yn dysgu Cymraeg ar lefel Sylfaen neu'n uwch.
Siaradwyr Cymraeg hyderus o unrhyw rôl neu gefndir o fewn y GIG.
Yn fodlon cefnogi cydweithiwr i ddatblygu ei hyder wrth siarad Cymraeg.
Bydd y cynllun yn eich helpu i:
- adeiladu hyder wrth siarad Cymraeg
- defnyddio'r Gymraeg yn fwy naturiol yn y gweithle
- cefnogi cydweithiwr i ddatblygu ei sgiliau Cymraeg
- cyfrannu at ddarparu gwasanaethau iechyd mwy dwyieithog
- ehangu eich rhwydwaith proffesiynol drwy gyfarfod cydweithwyr o bob rhan o Gymru.
Os oes gennych unrhyw gwestiynau am y cynllun, cysylltwch â: iechydagofal@dysgucymraeg.cymru
Eisiau cymryd rhan yn y cynllun?
- Dewiswch y botwm cywir isod er mwyn cofrestru fel dysgwr neu siaradwr.
Diolch i Dr Rob Morgan ac Ysgol Feddygol Prifysgol Abertawe am eu cefnogaeth a'u cydweithrediad wrth ddatblygu'r cynllun siarad ar gyfer y gweithlu Iechyd a Gofal.