Mae'r cyrsiau Blasu ar gyfer pobl sy'n gweithio ym maes iechyd a gofal cymdeithasol yng Nghymru ac sy'n newydd i'r Gymraeg. Maent yn dysgu geiriau ac ymadroddion syml i'w defnyddio yn y gwaith.
Mae rhai cyrsiau ar gyfer unrhyw un sy'n gweithio ym maes iechyd a gofal cymdeithasol, fel Croeso 1. Mae eraill wedi'u cynllunio ar gyfer rolau neu feysydd gwaith penodol, fel gofal lliniarol.
Mae'r cyrsiau'n amrywio o 1 i 10 uned. Gallwch astudio yn eich amser eich hun ac ar eich cyflymder eich hun. Mae pob cwrs ar lefel Cyn-A1 (Cyn-Fynediad), CEFR.
Mae cefnogaeth gan diwtor ar gael os hoffech gael mwy o gymorth gyda'ch dysgu. I gael rhagor o wybodaeth, e-bostiwch iechydagofal@dysgucymraeg.cymru.
