Croeso i'r cam cyntaf o ddysgu Cymraeg ar gyfer gweithwyr yn y sector iechyd a gofal.
Mae'r cwrs byr yma yn cynnwys geiriau a chyfarchion syml i bobl sy'n newydd i'r Gymraeg, a gobeithio y bydd yn eich annog i ddysgu mwy.
Mae Strategaeth Mwy na Geiriau Llywodraeth Cymru wedi gosod targed i bob gweithiwr yn y sector iechyd a gofal fod â lefel cwrteisi o Gymraeg erbyn 2027.
Mae creu gofod a chyfle i siaradwyr Cymraeg ddefnyddio'r iaith mewn lleoliadau iechyd a gofal yng Nghymru yn hollbwysig, ac mae siarad hyd yn oed ambell air yn gallu gwneud gwahaniaeth mawr i ddefnyddwyr gwasanaethau a'u teuluoedd.
Felly ewch amdani a cychwynnwch eich taith iaith yma!
Mae dysgu a siarad iaith yn broses sy'n cynnwys llawer mwy na geiriau. Gwyliwch y fideo isod er mwyn rhoi hwb i'ch hyder cyn cychwyn eich taith.
Croeso i'n cwrs blasu Cymraeg ar gyfer y sector Iechyd a Gofal.
Yma, dych chi'n gallu dysgu geiriau a brawddegau syml ond hanfodol i gyfarch a chroesawu pobl yn y Gymraeg.
Bydd y cwrs yn datblygu eich hyder i siarad Cymraeg, ac yn eich annog i ddysgu mwy.
Yn ogystal â’r cwrs digidol yma, mae sesiynau croeso gyda thiwtor ar gael yn y byrddau iechyd yng Nghymru.
Llenwch y ffurflen isod i holi am fwy o wybodaeth, neu dewiswch y botwm canlynol er mwyn cychwyn y cwrs Croeso.
Barod i ddysgu mwy? Dewiswch y botymau isod i ddod o hyd i gwrs Dysgu Cymraeg ar-lein neu yn eich ardal chi.
Rydym yn ddiolchgar i staff Meddygfa Nant y Glo, Pontyberem am eu cymorth wrth greu'r pecyn hwn.