Arholiadau
Mae'r cymwysterau yn rhoi cyfle i ymgeiswyr ddangos eu gallu yn y Gymraeg wrth siarad, gwrando, darllen ac ysgrifennu - ar y lefelau gwahanol. Mae'n bosib ennill y cymwysterau trwy sefyll arholiad ar ddiwrnod penodol. Mae'r arholiadau yn agored i oedolion sy wedi dysgu Cymraeg fel ail iaith neu sy wrthi'n dysgu ar hyn o bryd.
Mae'r cymwysterau yn addas i bobl sy'n dysgu mewn dosbarth nos neu ddydd, ar gwrs dwys neu ar gwrs yn y gweithle. Does dim rhaid bod mewn dosbarth i sefyll arholiad na bod wedi sefyll arholiad is yn gyntaf.
Mae'r fframwaith yn y tabl isod yn dangos sut mae'r cymwysterau yn perthyn i'r fframwaith cymwysterau cenedlaethol ac i fframwaith ALTE/Fframwaith Cyfeirio Ewrop.
| Cymhwyster | Lefel yn y fframwaith | Lefel Fframwaith Cyfeirio Ewrop |
|---|---|---|
| Mynediad | Mynediad | A1 |
| Sylfaen | 1 | A2 |
| Canolradd | 2 | B1 |
| Uwch | 3 | B2 |
GWYBODAETH
Dyma'r dyddiadau ar gyfer arholiadau 2026:
| Lefel | Dyddiad yr arholiad | Dyddiad cau i gofrestru |
| Mynediad Ionawr | 30 Ionawr | 8 Rhagfyr |
| Mynediad Dydd | 9 Mehefin | 27 Chwefror |
| Mynediad Nos | Nos Fercher 10 Mehefin | 27 Chwefror |
| Canolradd | 12 Mehefin | 27 Chwefror |
| Uwch | 17-18 Mehefin | 27 Chwefror |
| Sylfaen | 19 Mehefin | 27 Chwefror |
Bydd modd cofrestru i sefyll arholiadau Cymraeg 2026 trwy gysylltu gydâ'ch darparwr cyrsiau.
Am ragor o wybodaeth cysylltwch â darparwr cwrs.
Os dych chi’n dysgu ar gwrs sy’n cael ei gynnal gan un o'r darparwyr cyrsiau Dysgu Cymraeg, mae’r arholiadau am ddim.
Fel arall, rhaid cofrestru fel ymgeisydd preifat, a bydd ffi i’w dalu.
Os dych chi’n ansicr, cysylltwch â’ch canolfan arholi lleol.