Chwilio am gwrs Dysgu Cymraeg dwys?
Mae dau opsiwn ar gael i chi:
Opsiwn 1 - Cwrs dwys dau dymor (Hydref a Gwanwyn)
Opsiwn 2 - Cyrsiau tymor yr haf
Mae mwy o wybodaeth ar gael isod.
Croeso
Y Cwrs 2 Dymor
Mae’r cyrsiau hyn yn cynnig cyfleoedd i ymarferwyr addysg ddatblygu eu sgiliau Cymraeg trwy ddysgu dwys llawn amser dros gyfnod penodol.
Darparwyr a’r Ardaloedd
Darperir y cyrsiau gan dri darparwr, sy’n gwasanaethu’r ardaloedd canlynol:
Gogledd Cymru: Ynys Môn, Gwynedd, Conwy, Sir Ddinbych, Sir y Fflint, Wrecsam
Canolbarth a De Orllewin Cymru: Sir Powys, Sir Ceredigion, Sir Gâr, Sir Benfro, Dinas a Sir Abertawe, a Chastell-nedd Port Talbot
De Cymru: Pen y bont ar Ogwr, Bro Morgannwg, Caerdydd, Merthyr Tudful, Rhondda Cynon Taf, Caerffili, Torfaen, Blaenau Gwent, Casnewydd, Mynwy
Cwrs Dwys Dau Dymor
- I bwy? Athrawon ysgolion cynradd cyfrwng Saesneg gyda sgiliau sylfaenol yn y Gymraeg (Cyfnod Sylfaen a/neu CA2).
- Lefelau: Tymor 1 (Hydref) – Sylfaen, Tymor 2 (Gwanwyn) – Canolradd
- Hyd: 2 dymor ysgol, llawn amser
- Dull Dysgu: Cymysgedd o ddysgu wyneb yn wyneb a rhithiol (3 diwrnod rhithiol + 2 ddiwrnod mewn ‘Hwb’ lleol)
Amcanion y Cwrs
- Datblygu sgiliau iaith Cymraeg a’u defnyddio’n drawsgwricwlaidd yn yr ysgol.
- Dysgu am fethodolegau dysgu iaith i godi safonau a chryfhau hyder athrawon.
Noder: Bydd ceisiadau ar gyfer cyrsiau Medi 2026 yn agor ym mis Ionawr 2026.
Yn y cyfamser, 'dyn ni'n cynnig cyrsiau rhad ac am ddim i’r gweithlu addysg ar ein Porth Gweithlu Addysg.
Os oes gennych unrhyw gwestiynau, mae pob croeso i chi gysylltu trwy ebostio cymorth@dysgucymraeg.cymru.
Cyrsiau Tymor yr Haf 2026 (Tymor 3)
Yn ystod Tymor 3 2026, bydd yr arlwy o gyrsiau yn amrywio yn ôl ardal. Mae manylion cyrsiau Tymor yr Haf 2026 wedi cael eu rhyddhau isod.
Gogledd Cymru
Dyma'r cyrsiau fydd ar gael yn ardaloedd Sir Ynys Môn, Gwynedd, Conwy, Sir Ddinbych, Sir y Fflint, a Wrecsam yn ystod Tymor yr Haf (Tymor 3) 2026.
- Athrawon: Lefel Gloywi - Cymraeg Proffesiynol, cwrs 15 diwrnod (rhwng Mehefin 1af - Gorffennaf 14eg 2026)
- Cynorthwy-wyr Dysgu sector Cynradd: Lefel Mynediad, 25 diwrnod (rhwng Ebrill 13eg - Mai 15fed)
- Cynorthwy-wyr Dysgu: Lefel Uwch, cwrs 20 diwrnod (rhwng Ebrill 16eg - Mehefin 26ain 2026)
Canolbarth a De Orllewin Cymru
Dyma'r cyrsiau fydd ar gael yn ardaloedd Sir Powys, Sir Ceredigion, Sir Gâr, Sir Benfro, Dinas a Sir Abertawe, a Chastell-nedd Port Talbot yn ystod Tymor yr Haf (Tymor 3) 2026.
- Athrawon Sector Uwchradd: Lefel Gloywi - Cymraeg Proffesiynol, cwrs 15 diwrnod (rhwng Mehefin 1af - Gorffennaf 17eg 2026)
- Athrawon Cymraeg fel Ail Iaith, Sector Uwchradd: Lefel Gloywi, cwrs 25 diwrnod (rhwng Ebrill 20fed - Gorffennaf 9fed 2026)
- Athrawon Addysg Gorfforol, Sector Uwchradd: Lefel Mynediad, cwrs 15 diwrnod (rhwng Mehefin 1af - Mehefin 19eg 2026)
De Cymru
Dyma'r cyrsiau fydd ar gael yn ardaloedd Pen-y-bont, Y Fro, Caerdydd, Merthyr, Rhondda Cynon Taf, Caerffili, Torfaen, Blaenau Gwent, Casnewydd, a Mynwy yn ystod Tymor yr Haf (Tymor 3) 2026.
- Athrawon Sector Cynradd Ysgolion cyfrwng Saesneg: Lefel Sylfaen, 11 wythnos (rhwng Ebrill 13eg - Gorffennaf 3ydd 2026)
- Athrawon Addysg Gorfforol, Sector Uwchradd: Lefel Mynediad, cwrs 15 diwrnod (rhwng Mehefin 1af - Mehefin 19eg 2026)
- Athrawon Cymraeg fel Ail Iaith, Sector Uwchradd: Lefel Gloywi, cwrs 25 diwrnod (rhwng Ebrill 20fed - Gorffennaf 9fed 2026)
Sut mae gwneud Cais?
Mae ceisiadau ar gyfer Cyrsiau Dysgu Cymraeg Dwys (Cynllun Sabothol) Tymor yr Haf 2026 yn cael eu gwneud ar-lein trwy'r wefan hon. Mae tri cham i'r broses o wneud cais:
1) Ffurflen Gais i'w llenwi gan yr Ymarferydd (athro/cynorthwy-ydd)
2) Ffurflen Gefnogi i'w llenwi gan Arweinydd Ysgol
3) Ffurflen Gefnogi i'w llenwi gan yr Awdurdod Lleol
Pan fydd y 3 ffurflen ar-lein wedi'u cyflwyno, caiff y cais ei asesu.
Dylech sicrhau bod 3 rhan y cais wedi'u cwblhau cyn y dyddiad cau (7 Tachwedd 2025 ar gyfer cyrsiau Tymor yr Haf 2026).
Os dych chi'n newydd i ddysgu Cymraeg, bydd angen i chi greu cyfrif yn gyntaf, cyn gwneud cais. Dilynwch y ddolen nesaf i greu cyfrif (cofiwch ddychwelyd i'r dudalen yma i ddechrau eich cais): Creu Cyfrif.
Os oes cyfrif yn barod gyda chi, dilynwch y ddolen nesaf i ddechrau eich cais:
Cliciwch yma i ddechrau ar eich cais.
Os oes gennych unrhyw gwestiynau, mae pob croeso i chi gysylltu trwy ebostio cymorth@dysgucymraeg.cymru