Dych chi’n fyfyriwr neu newydd raddio? Eisiau blas ar weithio fel Tiwtor Dysgu Cymraeg?
Rhwng 7 – 18 Gorffennaf 2025 yng Nghaerdydd, byddwn yn cynnig pythefnos o hyfforddiant, wedi ei ariannu yn llawn, i’ch helpu chi fod yn un o diwtoriaid Dysgu Cymraeg yfory.
Byddwn yn cynnig 14 ysgoloriaeth ar y cwrs arbennig yma, sy’n agored i fyfyrwyr sy’n astudio yng Nghymru a thu hwnt.
Byddwn hefyd yn cynnig grant o £1,000 yr un, yn ogystal â chostau llety (os oes angen) a chynhaliaeth, i’r ymgeiswyr llwyddiannus.
Yn ystod yr hyfforddiant, byddwch yn dysgu:
Bydd yr hyfforddiant yn cael ei gynnal yr un pryd â Chwrs Haf Dysgu Cymraeg Caerdydd, fydd yn rhoi cyfle i chi arsylwi a chymryd rhan mewn gwersi.
’Dyn ni’n gobeithio y byddwch awydd mynd ymlaen i wneud cymhwyster llawn i diwtoriaid Dysgu Cymraeg, ‘Dechrau Dysgu’, ond does dim gofyniad i chi wneud hyn.
Mae gweithio fel tiwtor Dysgu Cymraeg yn rhywbeth y gallwch ei wneud gyda’r nosau, neu ar benwythnos, ar yr un pryd â dilyn gyrfa mewn maes arall.
Ac os dych chi’n meddwl yr hoffech ddilyn gyrfa yn y sector Dysgu Cymraeg, mae’n bosibl hefyd dod yn diwtor llawn amser.
’Dyn ni’n croesawu ceisiadau gan bobl o bob cefndir, yn arbennig myfyrwyr o gefndiroedd Du, Asiaidd ac ethnig amrywiol, sy wedi eu tangynrychioli fel tiwtoriaid yn y sector ar hyn o bryd.
Mae’r cynllun hyfforddi hwn wedi ei ddatblygu gyda chefnogaeth Llywodraeth Cymru.
Dyddiad cau i wneud cais yw 31 Ionawr 2025.
Awydd gwneud cais? Llenwch y ffurflen isod cyn 31 Ionawr 2025.