Y Ganolfan Dysgu Cymraeg Genedlaethol

• Y Ganolfan Dysgu Cymraeg Genedlaethol sy’n gyfrifol am bob agwedd ar y sector Dysgu Cymraeg.
• Mae’r Ganolfan yn gweithio gydag 11 darparwr cyrsiau sy’n cynnal cyrsiau ar ei rhan.  Mae mwy o wybodaeth ar y ddolen hon - darparwyr lleol. 
• Mae cyrsiau ar gael yn ystod y dydd a gyda’r hwyr, ar wahanol lefelau rhuglder: Mynediad (ar gyfer dechreuwyr); Sylfaen; Canolradd; Uwch a Gloywi. 
• Mae cyrsiau dan arweiniad tiwtor ar gael mewn dosbarthiadau rhithiol a rhai wyneb-yn-wyneb.
• Dych chi’n gallu dilyn cyrsiau hunan-astudio ar-lein, a chyrsiau sy’n cyfuno dysgu dan arweiniad tiwtor gyda modiwlau hunan-astudio ar-lein.
• Mae’r Ganolfan yn cynnal cynllun ‘Cymraeg Gwaith’ sy’n darparu cyrsiau wedi’u hariannu’n llawn, mewn gweithleoedd.
• Mae’r Ganolfan hefyd yn cynnal cynlluniau eraill sy’n targedu gwahanol grwpiau, gan gynnwys ‘Cymraeg yn y Cartref’, ‘Croeso i Bawb’, ‘Cymraeg Pobl Ifanc', a darpariaeth ar gyfer y gweithlu addysg - dilynwch y dolenni canlynol am fwy o wybodaeth.

Mae’r Ganolfan Dysgu Cymraeg Genedlaethol wedi’i rhannu’n bedair cyfarwyddiaeth:

• Y Gyfarwyddiaeth Dysgu ac Addysgu sy’n gyfrifol am agweddau cwricwlaidd. 
• Y Gyfarwyddiaeth Marchnata a Chyfathrebu sy’n gyfrifol am hyrwyddo’r sector. 
• Y Gyfarwyddiaeth Cynllunio a Datblygu sy’n gyfrifol am gyllid a systemau rheoli perfformiad a phrosiectau amrywiol, gan gynnwys Cymraeg Gwaith. 
• Y Gyfarwyddiaeth Strategol sy’n gyfrifol am y ddarpariaeth ar gyfer pobl ifanc 16-25 oed.