Mae cyrsiau ac adnoddau Dysgu Cymraeg ar gael yn rhad ac am ddim i bobl ifanc 16-25 oed.
Pwyswch ar y botymau isod i weld yr holl opsiynau!
Os dych chi’n dilyn cwrs Dysgu Cymraeg lefel Mynediad neu Sylfaen yn barod, mae unedau adolygu arbennig ar gael ar gyfer pobl ifanc.
Clicia ar y blwch pinc 'Unedau Adolygu Pobl Ifanc' isod er mwyn gweld y deunyddiau dysgu yma, sy'n arbennig ar gyfer dysgwyr 18-25 oed sy'n dilyn cyrsiau lefel Mynediad neu Sylfaen.
Pwysa ar y blwch pinc 'Gwersi Adolygu 16-25 oed' isod er mwyn defnyddio'r gwersi.
Opera Sebon: Fflat Mêts
Oes gen ti ddiddordeb mewn dysgu neu ddatblygu dy Gymraeg? Clicia ar y blwch pinc 'Cofrestru Diddordeb 16-25' isod er mwyn dangos diddordeb yn y cyfleoedd sydd ar gael. Byddwn yn anelu at ddarparu cyfleoedd newydd ar sail y wybodaeth byddwn yn casglu, felly cofia roi cymaint o wybodaeth â phosib er mwyn i ni allu cynnig yr hyn sydd fwyaf addas i ti.
Mae'r holl gyrsiau sydd ar gael yn datblygu sgiliau Cymraeg ar wahanol lefelau dysgu, gan amrywio o rai addas ar gyfer dechreuwyr i rai addas ar gyfer siaradwyr mwy profiadol. Dyma eglurhad byr o bob lefel:
Mynediad: Lefel dechreuwyr – mae'r lefel yma'n addas os dych chi’n newydd i’r Gymraeg, neu'n deall patrymau iaith syml, gan gynnwys amserau'r presennol, y gorffennol a'r dyfodol a geiriau ac ymadroddion pob dydd.
Sylfaen: Os dych chi’n siarad tipyn o Gymraeg yn barod ac yn hyderus gyda amserau'r presennol, y gorffennol a'r dyfodol, dilynwch y lefel yma. Byddwch yn trafod pynciau fel ffrindiau, teulu, gwaith a hobïau.
Canolradd: Ar y lefel yma, byddwch yn dysgu patrymau iaith newydd a bydd llawer o waith sgwrsio. Bydd cyfle i chi ddatblygu eich sgiliau gwrando, darllen ac ysgrifennu a byddwch yn dysgu llawer o eirfa newydd.
Uwch: Siarad yw’r prif beth ar y lefel yma. Byddwch hefyd yn gwella eich sgiliau darllen, ysgrifennu a gwrando ac yn dysgu mwy am Gymru.
Gloywi/Gwella: Mae'r lefel yma ar gyfer dysgwyr profiadol a siaradwyr Cymraeg sy eisiau magu hyder i ddefnyddio a mwynhau eu sgiliau iaith. Bydd y cwrs yn cael ei deilwra ar gyfer anghenion y dosbarth.
Os nad wyt i'n siŵr pa lefel sy'n addas i ti, mae cyfle i bobl ifanc 16-25 ddefnyddio'r Gwiriwr Lefel. Bydd y teclyn ar-lein hwn yn darganfod dy lefel trwy ofyn cwestiynau i wirio dy sgiliau Darllen, Gwrando, Siarad ac Ysgrifennu.
