Pan fydd rhywun yn dysgu Cymraeg, mae’n ddefnyddiol cael un llwybr clir i’w ddilyn.
Mae cyfres o gamau ar hyd y llwybr sy’n arwain o un lefel i’r nesaf – o ddechreuwyr i siaradwyr hyderus.
Mae cyrsiau, gweithgareddau ac adnoddau ar gael i’ch cefnogi chi bob cam o’r daith.
Mae’r llwybr Dysgu Cymraeg yn cyd-fynd â’r CEFR (Common European Framework of Reference for Languages – Fframwaith Cyfeirio Cyffredin Ewrop ar gyfer Ieithoedd), fframwaith rhyngwladol sy’n cael ei ddefnyddio ledled y byd i ddisgrifio sgiliau iaith.
Mae’r fframwaith yn ein helpu ni i ddeall ble ’dyn ni ar ein taith ieithyddol, a sut i symud ymlaen i’r lefel nesaf.
Dyma’r lefelau Dysgu Cymraeg (a’r lefel CEFR cyfatebol mewn cromfachau):
- Mynediad (A1)
- Sylfaen (A2)
- Canolradd (B1)
- Uwch (B2)
Diolch i bawb am ymuno â ni yng nghynhadledd ‘Un llwybr dysgu clir ar gyfer dod yn siaradwr Cymraeg – cefnogi dysgwyr o bob oed'.
Mae modd gwylio'r sesiynau i gyd ar ffurf rhestr chwarae ar YouTube isod, a gallwch hefyd glicio'r ddolen i ddarllen copi o raglen y dydd.
Edrychwch ar y tabl isod i weld disgrifiad o’r sgiliau ar bob lefel:
