Diolch i’r berthynas rhwng Undeb Rygbi Cymru (URC) a’r Ganolfan Dysgu Cymraeg Cenedlaethol, mae’n haws nag erioed i ddysgu Cymraeg drwy rygbi.
'Dyn ni wedi creu dau gwrs blasu rhad ac am ddim a rhai adnoddau ychwanegol i chi. Dych chi'n gallu defnyddio'r rhain ar-lein yn eich amser eich hun, ar eich cyflymder eich hun.
Mae mwy o wybodaeth am y cyrsiau ar gael isod.
Ein tîm, ein hiaith - ewch amdani!
Mae’r cwrs blasu yma i Gefnogwyr a Chwaraewyr. Mae’r cwrs wedi ei rannu yn ddwy ran. Mae’r rhan gyntaf yn cynnwys unedau 1 i 5, ac mae’r ail ran yn cynnwys unedau 6 i 10.
Mae’r ddwy ran yn cymryd tua 3-4 awr i’w cwblhau, a dych chi'n gallu dod yn ôl i’r cwrs unrhyw bryd i ail-afael ynddi ac i ymarfer eto.
Yn ystod y cwrs, bydd cyfle i ymgyfarwyddo ag ymadroddion a thermau rygbi fydd o gymorth mewn cyd-destun rygbi ac yn eich bywyd bob dydd.
Mae’r cwrs blasu yma i Reolwyr a Gweithwyr sefydliadau rygbi yng Nghymru.
Er mwyn cael mynediad i’r cwrs, rhaid i chi gofrestru gyda chynllun Cymraeg Gwaith a meddu ar gôd cyflogwr dilys.
Mae’r cwrs wedi ei rannu yn ddwy ran. Mae’r rhan gyntaf yn cynnwys unedau 1 i 5, ac mae’r ail ran yn cynnwys unedau 6 i 10.
Mae’r ddwy ran yn cymryd tua 3-4 awr i’w cwblhau, a dych chi'n gallu dod yn ôl i’r cwrs unrhyw bryd i ail-afael ynddi ac i ymarfer eto.
Yn ystod y cwrs, bydd cyfle i ymgyfarwyddo ag ymadroddion a thermau rygbi fydd o gymorth mewn cyd-destun rygbi ac yn eich bywyd bob dydd.
