Dych chi’n hoffi gwrando ar y radio yn y tŷ neu’r car? Bydd llawer o raglenni diddorol ar Radio Cymru dros y misoedd nesaf.
Dych chi’n hoffi podlediadau, cerddoriaeth neu sgyrsiau? Bydd rhywbeth i bawb…
Ding Dong
Eisiau gwybod mwy am gartrefi pobl enwog? Yn Ding Dong, bydd Lisa Gwilym a Llŷr Evans yn mynd i gartrefi pobl enwog. Mae Lisa a Llŷr yn mwynhau sgwrsio gyda’r sylwebydd Nic Parry a’r cyflwynydd Mari Lovgreen.
Oedfa
Ar ddydd Nadolig bydd gwasanaeth ar Radio Cymru. Y Parchedig Gareth Ioan o Flaen-y-coed, Sir Gaerfyrddin, fydd yn arwain y gwasanaeth.
Bore Cothi
Beth dych chi’n hoffi bwyta dros y Nadolig? Bydd rhaglen Bore Cothi yn trafod bwyd y Nadolig. Beth am wrando i gael syniadau a rhoi cynnig ar y ryseitiau?
Newyddion y Flwyddyn
Ar ddiwedd y mis, bydd rhaglen arbennig o’r enw Newyddion y Flwyddyn. Alun Thomas fydd yn edrych yn ôl ar brif straeon newyddion 2025.
Traciau’r Flwyddyn
Ar 31 Rhagfyr, bydd Ifan Davies yn cyflwyno Traciau’r Flwyddyn. Bydd Ifan yn chwarae cerddoriaeth newydd y flwyddyn, ac yn siarad am rai o’r traciau gorau.
Sioe Caryl
Bydd Caryl Parry Jones yn croesawu’r Flwyddyn Newydd yn fyw o’r stiwdio. Beth am wrando, a gofyn i Caryl am gân arbennig?
Y Podlediad Dysgu Cymraeg
Bydd dwy bennod newydd o Y Podlediad Dysgu Cymraeg ar BBC Sounds ym mis Rhagfyr:
Pennod 1 - Bydd Angharad Lewis yn siarad gyda Josh Morgan, sef Sketchy Welsh.
Pennod 2 - Uchafbwyntiau’r mis, gan cynnwys geirfa i helpu dysgwyr.
Mwy o wybodaeth
Cofiwch wrando ar y rhaglenni’n fyw ar BBC Radio Cymru, neu ar BBC Sounds.
