Dych chi’n hoffi gwylio teledu dros y Nadolig a’r Flwyddyn Newydd? Bydd llawer o raglenni cyffrous ar S4C dros yr ŵyl.
Dych chi’n hoffi comedi, bwyd neu deithio? Bydd rhywbeth i bawb ar S4C…
Mike Bubbins: Un Mewn Miliwn
Comedïwr ydy Mike Bubbins, ac mae e eisiau dysgu Cymraeg. Mae Mike eisiau dysgu Cymraeg mewn blwyddyn. Yn y rhaglen, mae Mike yn mynd i ddosbarth Cymraeg, ac yn defnyddio’r iaith bob dydd.
Gwlad y Basg: Gwilym Bowen Rhys
Mae’r cerddor Gwilym Bowen Rhys yn teithio i Wlad y Basg. Bydd Gwilym yn dysgu am hanes, iaith, cerddoriaeth a diwylliant y wlad. Bydd hefyd yn cwrdd â phobl leol sy’n siarad Cymraeg.
Llond Bol o Japan
Mae’r cogydd Chris ‘Flamebaster’ Roberts yn mynd i Japan. Bydd Chris yn mynd i weld stondinau bwyd stryd a marchnadoedd enwog.
Cegin Clwyd: Nadolig Bryn Williams
Mae’r cogydd enwog, Bryn Williams yn dathlu’r Nadolig adref yn Nyffryn Clwyd. Bydd yn coginio twrci, pwdin oren a siocled, coctêl Nadolig a brechdan gaws wedi’i thostio.
Sgwrs Dan y Lloer
Dych chi wedi gwylio Sgwrs Dan y Lloer o’r blaen? Mae Elin Fflur yn holi gwahanol enwogion. Dyma pwy fydd yn cymryd rhan yn y gyfres nesaf:
- Y cyn bêl-droediwr, Malcolm Allen
- Yr actores, Rhian Morgan
- Y bardd, Gwyneth Lewis
- Y canwr, Delwyn Siôn
- Y gantores, Tara Bethan
Y Deis
Dych chi’n hoffi cwis? Bydd cyfres gwis Y Deis ar y teledu dros y Nadolig. Dyma pwy fydd yn cymryd rhan:
- Y cyflwynydd, Iolo Williams a’i fab Dewi
- Y cyflwynwyr, Dom a Lloyd
- Yr actorion, Jonathan Nefydd & Donna Edwards
- Y cyflwynwyr, Trystan & Emma
- Yr actorion, Lily Beau & Dyfan Rees
- Y cyn chwaraewr rygbi Shane Williams a’r dyfarnwr Nigel Owens
Mwy o wybodaeth
Dych chi wedi gweld gwefan Dysgu Cymraeg S4C? Mae llawer o bethau diddorol yno. Dych chi’n gallu cofrestru i gael cylchlythyr S4C i ddysgwyr. Mae’r cylchlythyr yn cynnwys rhestr o bethau i'w gwylio pob mis. Cofrestrwch yma: s4c.cymru/dysgucymraeg
Mae mwy o luniau ar gael isod:
