Chwilio am syniadau i ddefnyddio eich Cymraeg dros y Nadolig? Beth am ddarllen llyfr, neu gylchgrawn?
P’un ai dych chi ar ddechrau eich taith iaith, neu’n siaradwr newydd, mae darllen yn ffordd wych i ymarfer a mwynhau eich Cymraeg.
Cyfres Amdani
Mae llyfrau cyfres Amdani wedi’u teilwra ar gyfer oedolion sy’n dysgu Cymraeg. Mae’r llyfrau ar gael ar bedair lefel, sef Mynediad, Sylfaen, Canolradd ac Uwch, ac yn defnyddio geirfa a phatrymau iaith sy’n addas ar gyfer y lefelau gwahanol.
Mae’r gyfres yn cynnwys dros 40 teitl – o nofelau a storïau byrion i gofiannau a llyfrau ffeithiol, mae rhywbeth i bawb!
I weld yr holl lyfrau sy ar gael, dilynwch y ddolen nesaf: Cyfres Amdani
Mae’r llyfrau hefyd ar gael fel e-lyfrau, ac mae’n bosib prynu copi ar Ffolio Cymru. Dilynwch y ddolen am ragor o wybodaeth: Ffolio Cymru
Lingo Newydd
Mae Lingo Newydd yn gylchgrawn ar gyfer oedolion sy’n dysgu Cymraeg. Mae pob rhifyn yn cynnwys erthyglau, cyfweliadau, ac eitemau diddorol mewn iaith sy’n addas ar gyfer y lefelau gwahanol. Mae rhestr eirfa ar gael ar gyfer pob erthyl i’ch cefnogi.
Eisiau dysgu mwy? Dilynwch y ddolen nesaf: Lingo Newydd
Mwynhau darllen gyda’ch plant
Dych chi’n hoffi darllen llyfrau Cymraeg gyda’ch plant? Dych chi’n chwilio am lyfrau addas i’w darllen dros y Nadolig? Mae dewis gwych ar gael, a ’dyn ni wedi creu canllaw sy’n llawn syniadau ac argymhellion.
Dilynwch y ddolen i ddarllen y canllaw: Canllaw i ddarllen llyfrau Cymraeg gyda'ch plant
Mwynhewch!
