Cyrsiau Preswyl i'r Gweithlu Addysg

Dyma gyfleoedd i ymuno gydag un o gyrsiau preswyl Y Ganolfan Dysgu Cymraeg Genedlaethol. Mae'r cyrsiau preswyl hyn yn benodol ar gyfer y Gweithlu Addysg, ac mae'r manylion llawn isod.

Cynhelir sgwrs dros y ffôn er mwyn sicrhau cofrestriad ar y lefel gywir.
Bydd llety mewn ystafell sengl en-suite, a lluniaeth wedi eu cynnwys.
Mae’r cyrsiau wedi eu cyllido yn llawn.
Bydd cost ychwanegol o £55 am wely a brecwast os ydych eisiau aros yn y Nant ar y nos Sul cyn y cwrs.
Ni ddarperir costau teithio na chostau chyflenwi.

Am fwy o wybodaeth ac i gofrestru, cysylltwch trwy ebostio cymraeggwaith@nantgwrtheyrn.org neu ffonio 01758 750 334 a dewis yr Adran Addysg.

Cwrs lefel Mynediad (hanner lefel – Mynediad 1)

03.03.25-07.03.25

Wythnos breswyl yng Ngwersyll yr Urdd, Penterf Ifan dan arweiniad tiwtoriaid Nant Gwrtheyrn.

Dyma gyfle i unigolion sydd ar ddechrau eu taith iaith i astudio ar gwrs preswyl yng Ngwersyll yr Urdd Penterf Ifan, Sir Benfro.

Bydd y cwrs yma yn rhoi hwb i ddysgwyr i ddechrau defnyddio Cymraeg achlysurol yn eu gweithle.

Bydd y cwrs yn canolbwyntio ar batrymau iaith a welir yn y cwrs Mynediad 1 cenedlaethol ond yn canolbwyntio ar eirfa sy’n addas ar gyfer amgylchedd ysgol.

Mae’r cwrs yma yn cael ei redeg mewn cydweithrediad â’r Urdd.

Cwrs lefel Mynediad (lefel gyfan)

Dyma gyfle i unigolion sydd ar ddechrau eu taith iaith astudio ar gwrs preswyl estynedig gyda Nant Gwrtheyrn.

Mae hyn yn cynnwys:

Wythnos Breswyl 1 (Llun-Gwener 20.01.25-24.01.25) yn y Nant
6 gwers ar-lein
Wythnos Breswyl 2 (Llun-Gwener 17.03.25-21.03.25) yn y Nant
Un sesiwn gefnogi ar-lein ar ddiwedd y cyfnod

Nod y cwrs yma yw cynyddu sgiliau siaradwyr newydd yn gyflym a rhoi’r hyder iddynt

ddefnyddio Cymraeg syml yn eu gwaith o ddydd i ddydd.

Bydd hyn yn eu galluogi i gyfrannu at amgylchedd Gymraeg a Chymreig eu hysgolion.

Codi Hyder - Defnyddia dy Gymraeg yn yr ysgol

24.03.25-28.03.25

Wythnos breswyl yn Nant Gwrtheyrn (lefelau Uwch a Gloywi).

Bydd ymarferwyr yn magu hyder i ddefnyddio’r Gymraeg yn y gweithle proffesiynol.

Bydd y cwrs yn canolbwyntio ar ddefnydd llafar ond yn rhoi sylw i sgiliau deall, ysgrifennu a darllen hefyd.

Bydd digon o gyfleoedd yn ystod y cwrs i drafod sut i fynd ati i newid defnydd iaith yn y gwaith ac hefyd i ddatrys heriau sy’n wynebu’r unigolion.

Cwrs Adolygu Lefel Mynediad

Dyma gyfle i ddysgwyr sydd wedi cwblhau Cwrs Lefel Mynediad i Adolygu
Cyfle i adolygu’r cwrs Mynediad gyda chwrs preswyl ar 28.04.25 – 02.05.25 cyn camu ‘mlaen i gwrs Lefel Canolradd.
Cwrs preswyl (Llun-Gwener) yn Nant Gwrtheyrn fydd y cwrs a bydd yn brofiad trochi arbennig i ddysgwyr fwynhau defnyddio eu hiaith newydd, ychydig o ddiwylliant Cymreig, a chymdeithasu gyda chriw o unigolion ar yr un lefel ieithyddol.
Yn arbennig o berthnasol i rai sydd wedi cwblhau Cwrs Hunan-astudio Ar-lein Lefel Mynediad i Ymarferwyr mewn Addysg.

Cwrs Adolygu Lefel Sylfaen

Dyma gyfle i ddysgwyr sydd wedi cwblhau Cwrs Lefel Sylfaen i Adolygu
Cyfle i adolygu’r cwrs Sylfaen gyda chwrs preswyl ar 19.05.24 – 23.05.24 cyn camu ‘mlaen i gwrs Lefel Canolradd.
Cwrs preswyl (Llun-Gwener) yn Nant Gwrtheyrn fydd y cwrs a bydd yn brofiad trochi arbennig i ddysgwyr fwynhau defnyddio eu hiaith newydd, ychydig o ddiwylliant Cymreig, a chymdeithasu gyda chriw o unigolion ar yr un lefel ieithyddol.
Yn arbennig o berthnasol i rai sydd wedi cwblhau Cwrs Hunan-astudio Ar-lein Lefel Sylfaen i Ymarferwyr mewn Addysg.

Cofrestru

Am fwy o wybodaeth ac i gofrestru, cysylltwch trwy ebostio cymraeggwaith@nantgwrtheyrn.org neu ffonio 01758 750 334 a dewis yr Adran Addysg.