Ystadegau 2023 - 2024

Mae 'niferoedd y dysgwyr unigryw' yn cyfrif pob dysgwr unwaith yn unig, faint bynnag o gyrsiau maent wedi eu dilyn yn ystod y flwyddyn.

• Mae data 2023-2024 yn adrodd ar y nifer uchaf o ddysgwyr ers i'r Ganolfan ddechrau cyhoeddi data.
• Yn 2023-2024 roedd 18,330 o ddysgwyr unigryw, cynnydd o 8% o’i gymharu â 2022-2023.
• Mae 2023-2024 yn adrodd ar gynnydd o 45% o ddysgwyr unigryw o’i gymharu â’r niferoedd yn y cyhoeddiad cyntaf yn 2017-2018.

Gall dysgwyr fynychu mwy nag un gweithgaredd dysgu ar lefel neu ddwyster gwahanol yn ystod y flwyddyn. Er enghraifft, gall dysgwr unigol fynychu cwrs 170 - 259 awr ar lefel Mynediad yn ogystal â chwrs 'fesul awr' ar lefel Sylfaen yn ystod y cyfnod. Cyfrifir hyn fel dau weithgaredd dysgu.

• Cymerodd dysgwyr 2023-2024 ran mewn 31,200 o weithgareddau dysgu, cynnydd o 6% o’i gymharu â 2022-2023.
• Mae 53% yn fwy o weithgareddau dysgu yn 2023-2024 o’i gymharu â’r niferoedd yn y cyhoeddiad cyntaf yn 2017-2018.
• Mae dysgwyr yn manteisio ar gyfleoedd i ddwysau eu dysgu wrth fynychu ystod o weithgareddau sydd ar gael iddynt.

Mae cyfleoedd dysgu o fewn y rhaglen Dysgu Cymraeg yn cael eu cynnig ar bump lefel.

• Yn 2023-2024 roedd 61% o ddysgwyr ar lefel Mynediad. Roedd 13% ar lefel Sylfaen a 25% ar lefelau Canolradd neu Uwch (gan gynnwys Hyfedredd).
• Mae cynnydd o 6% o ddysgwyr ar lefel Mynediad a chynnydd o 17% o ddysgwyr ar lefelau Canolradd neu Uwch (gan gynnwys Hyfedredd) o’i gymharu â 2022-2023.

Cyfrifir oed y dysgwr o ddydd cyntaf y flwyddyn academaidd dan sylw. Ar gyfer 2023-2024, cyfrifir oed y dysgwr ar 1 Awst 2023.  Y dysgwr sy’n gyfrifol am gyflwyno ei ddyddiad geni.

• Mae 15,280 o ddysgwyr 2023-2024 o fewn yr ystod oedran gweithio, (16-64 oed), sydd yn 84% o'r holl ddysgwyr sydd wedi cofnodi eu dyddiad geni.
• Mae 2,635 o ddysgwyr 2023-2024 o fewn yr ystod oedran 16-24 oed, cynnydd o 21% o’i gymharu â 2022-2023.
• Yn 2023-2024, mae 1,930 (274%) yn fwy o ddysgwyr o fewn yr ystod oedran 16-24 oed o’i gymharu â’r niferoedd yn y cyhoeddiad oedran cyntaf yn 2018-2019.

Mae’r Ganolfan yn falch o’r dewis eang o ddulliau dysgu sydd ar gael i ddysgwyr, gan gynnwys dulliau wyneb yn wyneb, rhithiol, cyfunol (rhithiol a wyneb yn wyneb) ac hunan-astudio. 

• Yn 2023-2024 roedd 29% o’n dysgwyr wedi dilyn cyrsiau wyneb yn wyneb, 41% wedi dilyn cyrsiau rhithiol, 3% wedi dilyn cyrsiau cyfunol, 24% wedi dilyn cyrsiau hunan-astudio a 3% wedi dilyn cyrsiau preswyl.
• Yn 2023-2024 roedd cynnydd o 26% yn niferoedd y dysgwyr oedd wedi dilyn cyrsiau wyneb yn wyneb o’i gymharu â 2022-2023.

Mae opsiwn i ddysgwyr nodi ethnigrwydd. Nid yw'r maes yn ofynnol, ac mae'n bosib dewis 'gwrthod cyflwyno gwybodaeth' neu ei adael yn wag.

• Yn 2023-2024 roedd 74% o’r dysgwyr unigryw wedi cofnodi gwybodaeth am ethnigrwydd.
• Roedd 4% o’r dysgwyr wedi cofnodi ethnigrwydd amrywiol gyda 96% wedi cofnodi ethnigrwydd gwyn.