Gofal Cymdeithasol Cymru: Lefelau Iaith
Croeso!
Croeso i dudalen Gwirio Lefel i weithlu Gofal Cymdeithasol Cymru. Pwrpas y dudalen hon ydy casglu gwybodaeth am eich sgiliau Cymraeg chi.
Yn gyntaf, gwyliwch y clipiau fideo er mwyn deall mwy am y lefelau iaith.
Yn ail, cwblhewch yr holiadur, er mwyn rhoi gwybod i ni beth yw eich lefel iaith ar gyfer y bedair sgil iaith - Siarad, Darllen, Gwrando, ac Ysgrifennu.
Lefel Mynediad
Cyrsiau Lefel Mynediad: Cyrsiau ar gyfer dechreuwyr; bydd cyfle i ddysgu siarad am bynciau pob dydd fel eich gwaith, y teulu, ffrindiau, a diddordebau. Mae’r pwyslais ar siarad yr iaith mewn cyd-destunau syml, bob dydd yn y gweithle.
Lefel Sylfaen
Cyrsiau Lefel Sylfaen: Cyrsiau sy'n dysgu patrymau sylfaenol y Gymraeg. Mae’r prif bwyslais ar siarad yr iaith, gyda chyfle i drafod pynciau pob dydd fel y teulu a ffrindiau, gwaith a diddordebau.
Lefel Canolradd
Cyrsiau Lefel Canolradd: Cyrsiau sy'n datblygu sgiliau Cymraeg gyda'r nod o feithrin siaradwyr hyderus wrth drafod materion pob dydd. Mae cyfle i ddatblygu sgiliau sgwrsio, gydag ychydig mwy o waith ysgrifennu, darllen a gwrando.
Lefel Uwch
Cyrsiau Lefel Uwch: Mae'r cyrsiau hyn yn gyfle i ymarfer trafod pynciau a themâu o bob math. Bydd dysgwyr hefyd yn datblygu eu sgiliau darllen, ysgrifennu a gwrando. Meithrin siaradwyr hyderus yw’r prif nod.
Lefel Hyfedredd
Cyrsiau Lefel Hyfedredd: Mae'r lefel yma ar gyfer dysgwyr profiadol a siaradwyr Cymraeg sy eisiau magu hyder i ddefnyddio a mwynhau eu sgiliau iaith. Bydd y cwrs yn cael ei deilwra ar gyfer anghenion y dosbarth.
Holiadur Sgiliau Iaith
Mae'r holiadur hwn yn arbennig ar gyfer gweithlu Gofal Cymdeithasol Cymraeg. Mae'n gofyn i chi ateb cwestiynau ynghylch pa lefel cyrsiau dych chi'n meddwl sydd orau i chi yn y bedair sgìl iaith: Siarad, Darllen, Ysgrifennu, a Gwrando.
Gwiriwr Lefel
Gallwch ddefnyddio teclyn Y Ganolfan Dysgu Cymraeg Genedlaethol, y Gwiriwr Lefel, er mwyn darganfod eich lefel.
Mae'r Gwiriwr Lefel Dysgu Cymraeg yn rhoi dangosydd i chi o lefel eich Cymraeg yn y bedair sgìl iaith: Gwrando, Siarad, Darllen, ac Ysgrifennu.
Bydd canlyniadau'r adrannau Gwrando a Darllen ar gael yn syth. Rhaid i'r ddwy adran arall, sef Siarad ac Ysgrifennu, gael eu marcio gan berson, a bydd y canlyniadau ar gael yn fuan wedi hynny. Ar hyn o bryd, dim ond canlyniadau yr adrannau Gwrando a Darllen fydd ar gael i chi.
Er mwyn defnyddio'r Gwiriwr bydd angen cyfrif ar y safle hon. Os nad oes cyfri gyda chi eisoes, gallwch greu cyfri yn hawdd ar y dudalen hon.
Mae cyfarwyddiadau defnyddio'r Gwiriwr Lefel ar gael ar y dudalen hon.
