Cwrs Cymraeg Cywrain

Mae Cymraeg Cywrain yn gwrs hunan-astudio ar-lein newydd ar lefel Gloywi. Caiff defnyddwyr eu tywys drwy gyfres o unedau sy’n rhoi sylw i agweddau penodol o Gymraeg Proffesiynol.

Mae wedi’i deilwra’n arbennig ar gyfer y Gweithlu Addysg, ac yn cynnwys elfennau gramadegol oddi fewn i gyd-destun ffurfiau megis cofnodion, adroddiadau, a llythyrau, gydag enghreifftiau i sgaffaldio eich gwaith. Mae gweithgareddau hwyliog hefyd yn rhoi cyfle i chi ymarfer rheolau gramadeg sy’n cynnwys treigladau, to bach, a rheolau sillafu, gan roi sylw penodol i wallau cyffredin.

Mae’r cwrs yn gyfle gwych i barhau eich datblygiad proffesiynol ym maes sgiliau Cymraeg, tra hefyd yn adnodd defnyddiol i gefnogi tasgau ysgrifennu dydd i ddydd y ymarferwyr addysg.

Diolch i natur hyblyg y cwrs mae modd dewis pa unedau i’w dilyn, ac ym mha drefn. Gellir hefyd mynd yn ôl at yr unedau ar unrhyw adeg er mwyn gwirio elfennau neu i adolygu.

Os ydych chi’n siaradwr Cymraeg sy’n gweithio ym myd addysg ac yn awyddus i ymarfer a datblygu eich sgiliau Cymraeg Proffesiynol, Cymraeg Cywrain yw’r cwrs ar eich cyfer chi.