Ystadegau Dysgu Cymraeg

• Mae data'r rhaglen Dysgu Cymraeg yn cael eu rheoli gan y Ganolfan Dysgu Cymraeg Genedlaethol.

• Mae cronfa ddata ganolog yn casglu gwybodaeth gan bob dysgwr wrth iddynt gofrestru i fynychu cwrs. Mae’r wybodaeth hon yn cynnwys manylion am y dysgwr (e.e. enw, cyfeiriad, dyddiad geni) a’r cwrs (e.e. lefel, lleoliad, dwyster y dysgu).

• Dechreuodd y Ganolfan gyhoeddi data ar gyfer y flwyddyn academaidd 2017–2018.

• Mae'r data a gyhoeddir yn cynnwys gwybodaeth am holl waith y Ganolfan Dysgu Cymraeg Genedlaethol. Mae hyn yn cynnwys:

  • Rhaglenni Dysgu Cymraeg wyneb yn wyneb ac yn rhithiol yn y gymuned

  • Cynlluniau Dysgu Cymraeg i weithluoedd

  • Cynlluniau Dysgu Cymraeg i deuluoedd

  • Cynlluniau Dysgu Cymraeg i bobl ifanc

• Mae data 2024–2025 hefyd yn cynnwys darpariaeth o fath gwahanol i'r Ganolfan, sef darparu cyrsiau Codi Hyder i siaradwyr Cymraeg di-hyder.

• Mae’r data yn cynnwys ystod o ddulliau dysgu, gan gynnwys dysgu wyneb yn wyneb, dysgu rhithiol, dysgu cyfunol a hunan-astudio.

Mae'r Ganolfan Dysgu Cymraeg Genedlaethol yn gyhoeddwyr ystadegau swyddogol. Wrth gyhoeddi ein data, byddwn yn cydymffurfio â Chod Ymarfer Awdurdod Ystadegau'r DU (UKSA).

Beth yw'r Cod Ymarfer ar gyfer Ystadegau?

Mae’r Cod Ymarfer ar gyfer Ystadegau yn gosod y safonau y dylai sefydliadau eu dilyn wrth gynhyrchu a chyhoeddi ystadegau swyddogol.

Mae’n darparu fframwaith i sicrhau bod ystadegau’n ddibynadwy, o ansawdd uchel ac yn cynnig gwerth i ddefnyddwyr.

Mae’r Cod yn seiliedig ar dri phrif egwyddor: Dibynadwyedd, Ansawdd a Gwerth (DAG). Mae’r egwyddorion hyn yn arwain sefydliadau o ran sut maent yn casglu, rheoli, dadansoddi a chyhoeddi gwybodaeth ystadegol.

Drwy ddilyn y Cod, gall defnyddwyr ein hystadegau fod yn hyderus bod y data a gynhyrchir gan y Ganolfan Dysgu Cymraeg Genedlaethol yn ddibynadwy, yn dryloyw ac yn ddefnyddiol.