Holi Mike

Mae Mike Brown yn byw ym Merthyr, ac yn dysgu Cymraeg gyda Dysgu Cymraeg Gwent, sy’n cael ei drefnu gan Goleg Gwent ar ran Y Ganolfan Dysgu Cymraeg.  Dyma ychydig o’i hanes:

Gyda phwy dych chi’n siarad Cymraeg/ble dych chi’n ymarfer?

Dw i’n aelod o ddau ddosbarth gyda Dysgu Cymraeg Gwent.  Dw i hefyd yn aelod o’r cynllun Siarad ac yn cael gwers un i un gyda thiwtor bob wythnos.  Dw i’n gwneud llawer o bethau yn y gymuned, fel mynd am dro gyda grŵp cerdded Menter Iaith Caerffili, a mynd i sawl bore coffi bob mis.  Mae llawer o gyfleoedd i ymarfer y Gymraeg yn yr ardal, dw i’n lwcus iawn!

Beth ydy’r peth gorau am ddysgu Cymraeg?

Ymuno â diwylliant newydd – mae’n agor drysau i mewn i fyd newydd.

Pa wahaniaeth mae dysgu Cymraeg wedi ei wneud i chi? 

Mae fy mywyd yn fwy cyfoethog, achos dw i wedi dysgu cymaint am ddiwylliant Cymru.

Dych chi’n hoffi gwylio S4C neu wrando ar BBC Radio Cymru?

Weithiau, dw i’n gwylio S4C Clic gyda is-deitlau.  Dw i’n mwynhau gwrando ar Radio Cymru, rhaglenni fel Dros Frecwast a’r Post Prynhawn.  Dw i hefyd yn gwrando ar bodlediadau fel ‘Siarad Moel’ a ‘Pigion.’

Unrhyw gyngor i ddysgwyr eraill sy eisiau dechrau dysgu Cymraeg?                       

Dod o hyd i'r grŵp cywir, ac ymarfer yng nghwmni eraill cymaint â phosibl.  Gall e fod yn llawer o hwyl!

Dych chi’n gobeithio parhau i ddysgu Cymraeg?

Heb os nac oni bai!