Diolch i’r berthynas a’r cydweithrediad rhwng Undeb Rygbi Cymru (URC) a’r Ganolfan Dysgu Cymraeg Cenedlaethol, mae’n haws nag erioed i ddysgu a mwynhau'r iaith Gymraeg drwy thema rygbi.
Rydym wedi creu dau gwrs blasu rhad ac am ddim a rhai adnoddau ychwanegol fel y gallwch chi ddysgu ar-lein yn eich amser eich hun, ar eich cyflymder eich hun. Cymerwch olwg ar y cyrsiau isod i gael rhagor o wybodaeth ac i gael dechrau arni.
Ein tîm, ein hiaith - ewch amdani!
Mae’r cwrs blasu yma wedi ei deilwra ar gyfer Cefnogwyr a Chwaraewyr. Mae’r cwrs wedi ei rannu yn ddwy ran. Mae’r rhan gyntaf yn cynnwys unedau 1 i 5, ac mae’r ail ran yn cynnwys unedau 6 i 10. Mae’r ddwy ran yn cymryd tua 3-4 awr i’w cwblhau, ac fe allwch chi ddod yn ôl i’r cwrs ar unrhyw bryd i ail-gydio lle wnaethoch chi orffen o’r blaen neu i ymarfer eto. Yn ystod y cwrs, bydd cyfle i chi ymgyfarwyddo ag ymadroddion a thermau rygbi fydd o gymorth i chi mewn cyd-destun rygbi ac yn eich bywyd bob dydd.
Mae’r cwrs blasu yma wedi ei deilwra ar gyfer Rheolwyr a Gweithwyr sefydliadau rygbi yng Nghymru. Mae’r cwrs yma yn gyfyngedig – er mwyn cael mynediad i’r cwrs, mae’n rhaid i chi gofrestru gyda chynllun Cymraeg Gwaith a meddu ar gôd cyflogwr dilys. Mae’r cwrs wedi ei rannu yn ddwy ran. Mae’r rhan gyntaf yn cynnwys unedau 1 i 5, ac mae’r ail ran yn cynnwys unedau 6 i 10. Mae’r ddwy ran yn cymryd tua 3-4 awr i’w cwblhau, ac fe allwch chi ddod yn ôl i’r cwrs ar unrhyw bryd i ail-gydio lle wnaethoch chi orffen o’r blaen neu i ymarfer eto. Yn ystod y cwrs, bydd cyfle i chi ymgyfarwyddo ag ymadroddion a thermau rygbi fydd o gymorth i chi mewn cyd-destun rygbi ac yn eich bywyd bob dydd.
